Veneno de Monsanto

Os transgénicos provocam mortandade infantil e esterilidade

Redacçom/Já antes de começarem com a comercializaçom da primeira planta transgénica havia evidências de que diminuiam a fertilidade. Isto hoje está claro. Acaba de se tirar um estudo apresentado numhas Jornadas da protecçom contra os perigos ambientais, desenvolvidas desde o 15 de Abril até o 5 de Junho na Federaçom Russa. Tam só foi difundido pola imprensa russa e acolhido com absoluto silêncio pola imprensa occidental.
Este estudo foi realizado durante dous anos polo Instituto Surov de Ecologia e Evoluçom da Academia de Ciências Russa e a Associaçom Nacional para a Segurança Genética. Como material utilizarom-se hamsters e cobaias. O Doutor Alexey Surov e a sua equipa alimetarom a dous grupos, um de forma convencional e outro com soja modificada geneticamente importada da Europa, tolerante ao hervicida Round Up de Monsanto. Na terceira geraçom do grupo que tomara soja transgénica tivo umha taxa de mortandade infantil cinco vezes maior que o grupo alimentado convencionalmente. Nesta geraçom o grupo que mais soja transgénica tomava já nom era capaz de se reproducir.
O estudo observou outra inesperada sorpresa: a terceira geraçom comenzava a ter pêlo na boca, a miudo cobertos com pedaços de mucosa.
A conseqüencia de todos estes desastres observados, as e os científicos propugerom que se estabeleça umha proibiçom dos OGM (Organismos Geneticamente Modificados) até que sejam sometidos a provas de biosegurança.

Além disto, a toxicidade reprodutiva e genética do Round Up de Monsanto (incorporado aos transgénicos) é conhecida desde há décadas. Por exemplo, investigadoras e investigadores suecos descobrerom que provocava mutaçons genéticas e aberraçons cromosómicas. Aliás, na Universidade de Caem, França, demostrou-se que as células de placenta humana eram mui sensíveis ao Round Up em concentraçons 100 vezes inferior às utilizadas na agricultura industrial.
A soja transgénica sempre leva a tripla ameaça: efeitos da engenharia genética; os conteúdos dos hervicidas e a sinergia entre estes dous elementos.
O estudo inteiro da Academia das Ciências vai-se publicar em Julho, confirmando os resultados doutros estudos, sempre silenciados. A novidade deste estudo é que observou a três geraçons de mamíferos, confirmando que o dano genético medra progresivamente.
Jeffrey Smith, autor do livro “As sementes da decepçom” publicado em 2003, declarou que este estudo do Doutor Surov e a sua equipa poderia “erradicar” umha indústria de varios bilhons de dólares. Por isso os industriais nom vam renunciar sem luitar.
Nom só isso, as científicas que descobrem as nefastas conseqüências dos OMG para a saúde e o meio ambiente som ridiculizadas e marginadas. Por exemplo, Irina Ermakova, que fijo um estudo em 2005 onde informou sobre a alta mortandade infantil das crias alimentadas com soja GM. Roubarom-lhe as mostras do seu laboratorio, queimarom-lhe os papeis do seu escritório e o seu chefe obrigou-na a abandoar a investigaçom sobre as OMG.

Monsanto ajuda Haití

Monsanto distribúe as suas sementes de milho transgénico a Haití como ajuda humanitária. Vai-lhes fazer um presente de 475 toneladas de sementes transgênicas, junto com os seus fertilizantes e pesticidas asociados. Isto com o aval da embaixada estadounidense em Haití. O representante de Monsanto em Haití é Jean Robert Estimé, que foi Ministro de Relaçons Exteriores durante a ditadura da família Duvalier. Em pouco tempo, só haverá sementes de Monsanto na ilha. Ficarám dependentes dos pagos a Monsanto sempre que queiram cultivar qualquer cousa, para assim instaurarem um controlo absoluto da populaçom aproveitando umha situaçom de total precariedade.
Monsanto nom é a única corporaçom que fabrica OGM, mas todas tenhem antecedentes criminosos. Como por exemplo, Down que (como Monsanto) borrifou o agente laranja em Vietnam, envenenando a sua populaçom e as suas terras. Bayer é responsável com o seu nemacur do crime do síndrome tóxico falsamente atribuído ao ólio de colza, etc. Todas tenhem também divisons que inclúem as farmacéuticas supostamente dedicadas à saúde.

http://www.anovaordemmundial.com/2010/05/soja-trangenica-ligada-esterili...