Sabotagens feministas contra "Corporación Dermoestética"
Na passada semana o local que a empresa de operaçons cirúrgicas estéticas tem na rua da Senra em Compostela apareceu vários dias com pintadas cor lilá nas suas vidreiras, com a legenda “Todas somos fermosas. Fora dermopatética” e “Todas somos marabilhosas. Fora dermopatética”. Estava assinada cum simbolo feminista, que cubria as imagens de duas mulheres espidas, exemplo dos “bons resultados” da clínica.
O sistema capitalista de consumo, junto com o patriarcado tenhem levado ao máximo exponhente a utilizaçom do corpo da mulher até o ponto de vender cámbios físicos como sinónimo de felicidade e realizaçom. Do 90% das pessoas que acodem a umha clínica som mulheres, dado que ratifica as diferenças de roles estabelecidos. Além de dietas, quotas em salas de musculaçom e produtos de beleça, há quem pede créditos para poder ponher mais tetas, tirar a gordura ou mudar o tamanho do nariz.
Manequins? Somos pessoas!
Também o escaparate da tenda de Stradivarius, um dos comércios de roupa do grupo Inditex, amenceu com pintura lilá com o lema “manequins? Somos pessoas!”, denuncia referida à talhagem extremadamente pequena, antinatural e que fomenta complexos entre as moças mais novas. Potenciando a criaçom duns estereotipos cada vez mais distantes da realidade, e favorecendo a imagen de modelo de mulher delgada e perfeita como satisfacçom vital.
Esta resposta por parte das mulheres coincide fora de datas sinaladas, se vem quadra co repunte de demanda deste tipo de empresas, que aproveitam a proximidade do verao para aumentar a pressom a respeito do aspeito físico. Um outro dado importante é o que sinalada que o 60% das mulheres que acodem à cirurgia tenhem menos de 30 anos, segundo a Sociedade Galega de Cirurgia Plástica. Como um outro bem de consumo, endivida a muitas pessoas, pom em risco a saúde física (a psicologica já estava danada, como se deduz da decisom tomada) e pom de manifesto a situaçom de escravitude à que se vem sometidas, e até que ponto, muitas mulheres que procuram a realizaçom e a valoraçom por parte dos demais e dela própria atravês do seu aspeito físico. A continuaçom e empioramento desta pressom continua acarreja umha frustraçom ao longo da vida da mulher, tanto polo tratamento no seu redor, como pola auto-estima e auto-valoraçom. Anoréxia, bulímia e depressons também adoitam estar relacionadas com esta qüestom.
Mulher Branca e a mais fermosa,nengunha mulher branca necesita retocarse NADA
Mulher esperta nom es un obxecto sexual Luita polo teu sitio
